ევროპის სახალხო პარტიის კონგრესის პარალელურად, საქართველოს პრეზიდენტი ბუქარესტში ორმხრივ შეხვედრებს აგრძელებს. სიტყვით გამოსვლამდე, მიხეილ სააკაშვილმა რამდენიმე ორმხრივი შეხვედრა გამართა. ქვეყნის პირველი პირი ევროკომისიის პრეზიდენტს შეხვდა. მიხეილ სააკაშვილმა და ჟოზე მანუელ ბაროზომ საქართველოს ევროპულ და ევროატლანტიკურ სტრუქტურებში ინტეგრაციის საკითხები განიხილეს.

ჟოზე მანუელ ბაროზომ საქართველოში მიმდინარე პოლიტიკური მოვლენები შეაფასა და 1 ოქტომბერს გამართულ საპარლამენტო არჩევნებს მნიშვნელოვანი დემოკრატიული პროცესი უწოდა.